迴转寿司已经不再是新鲜事，咁食寿司有乜好玩？元気寿司就将日本嘅高速列车引入香港，喺荃湾广场分店设立三层高速线送餐系统，唔好话小朋友，大朋友如女版主见到都兴奋呀！
全间分店共有 24 条高速列车轨道，高速线外型似足日本新干线，每次最多可以承载四碟食物，包括寿司、刺身、前菜、配菜及甜品等轻食；至于饮品、份量较大的食物及热食则会由员工送上。每卡座位均设有一部平板电脑，大家自行笃笃笃点菜后，食物就会在大约 90 秒内由高速线运上。大部分食物如寿司依然係即叫即製，只不过运送方式由迴转带改为高速列车，而且过程全自动化，食用体验新鲜好玩之余，食物送上嘅速度亦比以往顺畅快速，又可以分担店员的工作，抵讚！元気仲计画 11 月将高速线送餐系统扩至观塘分店，九龙嘅朋友好快都有得玩啦。
每张枱均独立设有点餐用的平板，介面清晰易用。 拣好想食乜后按「点餐」，食物就会由高速列车送上，每次最多四碟。 
分店仲特设高速线限定寿司，例如图中呢款炸虾卷连头。 高速线到达阁下的座位后会自动停低，上或下方的灯泡会亮起，按下后列车就会自动返回「车厂」。分店门外亦设有电子自助外卖机，介面同店内的平板同出一辙，大家同样可以自行透过触控式屏幕下单，然后利用八达通或PayWave信用卡付款，即可完成外卖程序，省时快捷，仲有得储埋分落会员卡添。
自助外卖机介面同店内平板大同小异，只係Menu略有出入，多了外卖特设的外卖盛。确认订单冇问题后，就可以选择付款方式，仲可以拣储积分或用积分消费。 
最后畀钱就大功告成！ 
